Gweler isod restr o’r cwestiynau a dderbyniwyd gennym ar y prosiect, gyda’r atebion
- A yw caniatâd cynllunio wedi’i roi ar gyfer y prosiect?
Na, nid yw caniatâd cynllunio wedi’i roi ar gyfer y prosiect.
Bwriedir cyflwyno’r cais cynllunio ym mis Rhagfyr 2025. Yn dilyn hyn, bydd cyfnod penderfynu o 36 wythnos pan ddylid penderfyniad cael ei wneud. Mae yna posibilrwydd y gall y cyfnod penderfynu gael ei atal, a allai arwain at oedi’r penderfyniad. - A fydd y dogfennau cynllunio ar gael i’r cyhoedd?
Mae dogfennau cynllunio drafft ar gael ar y wefan hon ar y dudalen 'Dogfennau'.
Bydd y dogfennau terfynol sy’n ffurfio rhan o gyflwyniad y cais cynllunio yn cael eu cyhoeddi ar borth Gwaith achosion cynllunio Llwyodraeth Cymru.
Bwriedir cyflwyno’r cais cynllunio ym mis Rhagfyr 2025. - A yw’r Cyngor Cymuned wedi cael gwybodaeth am y prosiect?
Ydy, mae Cyngor Cymuned Freystrop yn cael ei ymgynghori ar y prosiect, a bydd eu sylwadau’n cael eu hystyried yn ystod datblygiad y cais cynllunio. - Pam y dewiswyd y safle hwn?
Mae gan y safle nifer o nodweddion sy’n ei wneud yn addas ar gyfer prosiect solar a storio batris. Mae’n cynnwys pwynt cysylltu hyfyw â’r rhwydwaith trydan lleol, sydd yn gwneud o’n bosibl i allforio egni adnewyddadwy yn effeithlon i’r man lle mae ei angen. Mae mwyafrif y tir ar lethr ysgafn, hefo amlygiad da i’r haul, ac wedi’i leoli mewn tirwedd sy’n caniatáu sgrinio effeithiol ac integreiddio’r datblygiad o fewn I ei amgylchedd.
Mae’r safle hefyd yn cynnig cyfleoedd ar gyfer gwelliannau ecolegol ystyrlon drwy blannu newydd, creu cynefinoedd, a rheoli gofalus ffiniau caeau presennol. Yn ogystal, mae’r cynnig yn cyd-fynd ag amcanion polisiau cynllunio lleol a chenedlaethol i gynyddu cynhyrchu egni adnewyddadwy a chefnogi’r trawsnewid i sero net. - Pryd fydd y prosiect yn dechrau?
Os bydd y prosiect yn derbyn caniatâd cynllunio ym mis Medi 2026, gellid disgwyl i’r gwaith adeiladu ddechrau tua chwarter 2 2027. Darperir rhaglen brosiect ddangosol ar waelod y dudalen hon. - Beth fydd yn digwydd i’r safle ar ôl y cyfnod gweithredu o 40 mlynedd?
Ar ôl 40 mlynedd, bydd yr isadeiledd yn cael ei symud o’r safle a bydd y safle’n cael ei adfer i’w gyflwr gwreiddiol. - A yw’r prosiect arfaethedig yn cynnwys gosod paneli ar Middle Hill Farm yn ogystal â White House Farm?
Ydy, mae’r prosiect yn cynnwys paneli solar ar White House Farm a Middle Hill Farm. Darperir cynllun safle dangosol isod. - Sut fydd y prosiect yn manteisio’r gymuned?
Mae buddion ehangach y cynllun wedi’u nodi ar dudalen Manteision gwefan y prosiect. Byddai cronfa budd cymunedol hefyd yn cael ei chreu – mae manylion union sut y byddai’r cyllid yn cael ei ddosbarthu i’w cadarnhau, ac rydym yn croesawu eich mewnbwn ar hyn (mae manylion cyswllt ar gael ar waelod y dudalen hon). - A fydd y prosiect yn effeithio ar fywyd gwyllt yr ardal?
Mae nifer o arolygon amgylcheddol wedi’u cynnal ar y safle i ganiatáu i fesurau priodol gael eu gyflawni i ddiogelu’r amgylchedd lleol a’i ecoleg drwy gydol oes y prosiect. Disgwylir i’r prosiect gyflwyno gwelliannau bioamrywiaeth sylweddol i’r safle drwy greu cynefinoedd sy’n gyfeillgar i fywyd gwyllt. - Sut ydych chi’n sicrhau bod cynlluniau gwella bioamrywiaeth yn cael eu cyflawni?
Bydd pob mesur bioamrywiaeth a gynigir fel rhan o’r prosiect yn cael ei sicrhau drwy’r broses gynllunio. Mae hyn yn golygu, unwaith y rhoddir caniatâd, bod yn rhaid i’r prosiect gyflawni’r ymrwymiadau amgylcheddol y cytunwyd arnynt fel y nodir yn y cynlluniau a’r adroddiadau a gymeradwyd.
Yn ystod y gwaith adeiladu a’r cyfnod gweithredu, bydd arbenigwyr ecolegol yn monitro cynnydd i sicrhau bod creu cynefinoedd, plannu a rheoli yn cael eu cynnal fel y bwriadwyd. Mae adroddiadau rheolaidd a chynlluniau cynnal a chadw yn helpu i sicrhau bod y gwelliannau hyn yn cael eu cynnal dros oes y prosiect, fel bod manteision bioamrywiaeth gwirioneddol a pharhaol yn cael eu cyflawni. - Sut y mae’r tir o amgylch y datblygiad arfaethedig wedi’i ystyried?
Mae’r tir o amgylch a’i berthynas â’r datblygiad arfaethedig wedi’i asesu’n ofalus fel rhan o’r broses ddylunio. Cynhaliwyd astudiaethau amgylcheddol, tirwedd ac ecolegol manwl i ddeall cynefinoedd lleol, golygfeydd a defnydd tir.
Mae cynllun y prosiect wedi’i ddylunio i ddefnyddio ffiniau caeau, gwrychoedd a sgrinio naturiol presennol, gan helpu’r datblygiad i integreiddio’n sensitif i’r dirwedd. Cynigir plannu ychwanegol a chreu cynefinoedd ar y safle i leihau gwelededd ymhellach a gwella bioamrywiaeth.
Ystyriwyd hefyd dai cyfagos, hawliau tramwy cyhoeddus, a nodweddion treftadaeth a thirwedd lleol er mwyn sicrhau bod y prosiect yn lleihau effeithiau ar drigolion a’r ardal ehangach. - A fydd trigolion Moorland Road yn derbyn iawndal am yr aflonyddwch yn ystod y gwaith adeiladu?
Gwneir pob ymdrech i leihau aflonyddwch ar Moorland Road yn ystod y cyfnod adeiladu. Bydd unrhyw ddulliau gweithio yn destun i cymeradwyaeth annibynnol gan yr awdurdod priffyrdd lleol. Nid yw talu iawndal mewn amgylchiadau o’r fath yn arfer safonol. - A fydd iawndal yn cael ei ddarparu am ostyngiad yng ngwerth tai?
Nid oes mecanwaith o fewn y system gynllunio i digolledu am unrhyw newid canfyddedig yng ngwerth eiddo. Mae penderfyniadau cynllunio yn seiliedig ar briodoldeb prosiect o safbwynt cynllunio ac amgylchedd. Mae dyluniad y prosiect yn cynnwys gosodiad safle gofalus, sgrinio tirwedd a gwelliannau ecolegol i leihau effeithiau lleol. - Sut y bydd aflonyddwch i fusnesau ar Moorland Road yn cael ei reoli? A fydd iawndal yn cael ei ddarparu?
Rydym yn deall bod busnesau lleol yn dibynnu ar Moorland Road am ddanfoniadau, cwsmeriaid a staff. Bydd y tîm adeiladu’n paratoi Cynllun Rheoli Traffig Adeiladu (CTMP) manwl i reoli symudiadau HGV a lleihau aflonyddwch.
Bydd y cynllun yn cynnwys amserlennu danfoniadau y tu allan i oriau brig a cyflawni gweithgareddau llwytho o fewn safleoedd adeiladu dynodedig. Er nad oes mecanwaith I darparu iawndal ar gyfer aflonyddwch tymor byr, ein flaenoriaeth yw cynnal mynediad a lleihau effaith fel bod busnesau lleol yn gallu parhau i weithredu’n ddiogel trwy’r cyfnod adeiladu. - A fydd y prosiect yn arwain at ostyngiad mewn biliau ynni lleol?
Ni fydd y prosiect yn lleihau biliau trydan yn uniongyrchol i drigolion lleol, gan fod prisiau egni yn cael eu gosod ar lefel genedlaethol gan gyflenwyr, yn hytrach na gan brosiectau cynhyrchu unigol. Fodd bynnag, drwy gynyddu’r faint o egni adnewyddadwy a gynhyrchir yn lleol, mae’r prosiect yn cyfrannu at system egni fwy gwydn a chynaliadwy. Yn y tymor hir, mae ychwanegu mwy o gynhyrchu solar cost isel at y grid yn helpu i leihau’r ddibyniaeth ar danwydd ffosil a fewnforir, a gall helpu i sefydlogi neu leihau prisiau trydan cyfanwerthol i ddefnyddwyr.
Yn ogystal, rydym yn archwilio cyfleoedd ar gyfer mentrau budd lleol fel cronfeydd cymunedol, rhaglenni addysgol a phartneriaethau lleol, er mwyn sicrhau bod yr ardal gyfagos yn rhannu yn buddion ehangach y prosiect. - Faint o draffig y disgwylir i’r datblygiad ei greu?
Disgwylir i’r mwyafrif o draffig cerbydau nwyddau trwm (HGV) ddigwydd yn ystod yr 8 wythnos gyntaf o’r cyfnod adeiladu. Yn ystod y cyfnod hwn, disgwylir cyfanswm o 6–7 o ddanfoniadau HGV y dydd i’r datblygiad arfaethedig (6–7 o deithiau i’r safle a 6–7 o deithiau oddi wrth y safle). Mae’r ffigurau danfon hyn yn gyfanswm cyfun ar gyfer y parseli tir White House Farm a Middle Hill Farm, ac felly disgwylir i nifer y danfoniadau i bob parsel tir unigol fod yn llai.
Ar ôl yr 8 wythnos gychwynnol, disgwylir cyfanswm o 3 danfoniad HGV y dydd i’r datblygiad arfaethedig yn ystod wythnosau 9–28. Ni ddisgwylir unrhyw ddanfoniadau HGV pellach ar ôl wythnos 28.
Yn ogystal â symudiadau’r HGV, bydd teithiau staff i’r safle yn creu rhywfaint o draffig ychwanegol. Disgwylir i’r cynnydd fod ar ei uchaf yn ystod wythnosau 9–28, pan ddisgwylir tua 40–45 o deithiau i’r safle a 40–45 o deithiau oddi wrth y safle y dydd yn ystod cyfnodau gweithgaredd brig. Fel gyda’r ffigurau danfoniadau HGV uchod, mae’r ffigurau hyn yn gyfanswm cyfun ar gyfer y parseli tir yn White House Farm a Middle Hill Farm, ac felly disgwylir i nifer y teithiau i bob parsel tir unigol fod yn llai. Efallai y bydd opsiwn i leihau nifer y teithiau staff i ac o barsel White House Farm drwy ddefnyddio gwasanaeth bws mini.
Mae rhagor o wybodaeth am y traffig y disgwylir i’r datblygiad ei gynhyrchu wedi’i chyflwyno yn y Transport Statement drafft 'Dogfennau' r wefan y prosiect. - Sut y caiff traffig adeiladu a mynediad ffyrdd eu rheoli yn ystod y gwaith?
Bydd y mesurau rheoli traffig manwl sydd eu hangen i reoli symudiadau cerbydau adeiladu yn cael eu cwblhau gan y contractwr apwyntiedig. Caiff y mesurau hyn eu datblygu mewn ymgynghoriad â’r awdurdod priffyrdd lleol a bydd angen y trwyddedau a’r cytundebau priodol, sy’n cael eu rheoli y tu allan i’r broses cais cynllunio.
Mae Outline Construction Traffic Management Plan drafft ar gael ar dudalen 'Dogfennau' ar wefan y prosiect.
Mae’r Outline Construction Traffic Management Plan yn nodi’r mesurau nodweddiadol y disgwylir eu cyflawni, gan gynnwys baeau pasio dros dro, slotiau danfon wedi’u hamserlennu, cyfleusterau glanhau olwynion, a chyfarwyddiadau i yrwyr yn unol â chanllawiau’r British Horse Society.
O ran gosod y cebl rhwng White House Ffarm a Middle Hill Ffarm, bydd y mesurau rheoli traffig yn cael eu penderfynu gan y contractwr apwyntiedig a chynllunydd rheoli traffig â chymwysterau priodol, ac yn cael eu cytuno gyda’r awdurdod priffyrdd lleol drwy broses Adran 50. Disgwylir y bydd system gwaith unffordd, wedi’i rheoli gan signalau traffig neu arwyddion ‘stop & go’, yn cael ei rhoi ar waith lle bo’n bosibl; fodd bynnag, mae’r darn 610m o Moorland Road sy’n arwain at White House Ffarm yn debygol o fod yn rhy gul i’w alluogi. Ar gyfer y darn hwn, gallai dulliau posibl i’w hystyried gynnwys:
- Cau byr treigl, gyda mynediad i drigolion yn cael ei reoli dan oruchwyliaeth bancmon;
- Cau wedi’u rheoli gan amserlen, gyda rhybudd ymlaen llaw i drigolion, gan sicrhau ffenestri mynediad penodol;
- Cryfhau’r ymyl ffordd dros dro (lle bo’n bosibl) i wneud y mwyaf o led gweddilliol y ffordd – er y gall hyn fod yn gyfyngedig ar hyd rhannau o’r darn 610m oherwydd cloddiau glaswellt ar y ddwy ochr;
- Gosod heb ffosio yn y rhannau culaf i leihau’r amser gwaith torri agored ar y ffordd; a
- Gwaith gyda’r nos neu y tu allan i oriau brig, er mwyn lleihau aflonyddwch yn ystod y dydd.
- Pa oriau fydd cerbydau’n cael mynediad i’r safle?
Bydd yr amserlen fanwl ar gyfer mynediad cerbydau adeiladu yn cael ei chadarnhau ar ôl y broses gynllunio ac unwaith y bydd contractwr wedi’i benodi. Bydd angen i’r oriau y cytunir arnynt gydymffurfio â’r trwyddedau angenrheidiol a’r cymeradwyaethau priffyrdd, sy’n cael eu rheoli ar wahân i’r cais cynllunio. Ar hyn o bryd, mae’r cais yn cynnig i’r gwaith adeiladu ddigwydd rhwng 8:00am a 6:00pm o ddydd Llun i ddydd Gwener, a rhwng 8:00am a 1:30pm ar ddydd Sadwrn. - Sut y fydd cerddwyr a marchogion ceffylau ar hyd Moorland Road cael eu lletya?
Mae strategaeth ar gyfer sicrhau symudiad diogel cerbydau adeiladu gyda cherddwyr, beicwyr a marchogion ceffylau ar hyd Moorland Road wedi’i nodi yn yr Outline Construction Traffic Management Plan – mae copi drafft ar gael ar dudalen 'Dogfennau' ar wefan y prosiect. Mae hyn yn cynnwys rhestr wirio hyfforddiant ymwybyddiaeth ceffylau ar gyfer pob gyrrwr (yn unol â chanllawiau’r British Horse Society), briffiau safle dyddiol ac anwythiadau, ynghyd ag arwyddion priodol a mesurau cyfathrebu.
Mae’r mesurau hyn yn darparu fframwaith ar gyfer sut y caiff traffig adeiladu ei reoli’n ddiogel. Bydd y trefniadau manwl yn cael eu cadarnhau gan y contractwr a benodir, gan cydweithio â’r awdurdod priffyrdd lleol drwy’r broses ganiatau a chydsynio ar wahân, sy’n sicrhau bod y cynllun terfynol yn bodloni’r holl ofynion diogelwch a gweithredol. - A fydd mynediad i’r llwybrau ceffylau i’r gorllewin o Moorland Road yn cael ei effeithio?
Ar hyn o bryd, nid ydym yn rhagweld y bydd angen cau mynediad i’r llwybrau ceffylau cyfagos. Mae’r Outline Construction Traffic Management Plan yn nodi’r egwyddorion a ddilynir i sicrhau defnydd diogel o’r llwybrau ceffylau yn ystod y gwaith adeiladu – mae copi drafft ar gael ar dudalen 'Dogfennau' ar wefan y prosiect. Bydd y trefniadau manwl, fel y mesurau rheoli penodol, arwyddion, ac unrhyw reolaethau lleol dros dro, yn cael eu cwblhau gan y contractwr penodedig mewn ymgynghoriad â’r awdurdod priffyrdd lleol a’r tîm hawliau tramwy drwy’r broses gymeradwyo ar wahân. Mae hyn yn sicrhau bod pob mynediad cyhoeddus yn cael ei reoli’n ddiogel ac yn briodol, tra’n caniatáu i’r gwaith adeiladu symud ymlaen yn effeithlon. - Sut fydd risgiau o amgylch cyffordd Moorland Road / Targate Road yn cael eu rheoli?
Bydd adolygiad o’r gyffordd hon yn cael ei gynnal fel rhan o’r cais cynllunio, a bydd hyn yn cynnwys dadansoddiad o’r gyffordd leol a godwyd yn y cwestiwn. Bydd yr asesiad hwn yn ystyried amodau traffig presennol, data damweiniau a gofnodwyd, a’r traffig adeiladu ychwanegol a ddisgwylir ar gyfer y prosiect. Lle nodir unrhyw risgiau posibl, bydd mesurau lliniaru priodol yn cael eu cynnig o fewn y Transport Statement a’r Outline Construction Management Plan (mae copiau drafft o’r dogfennau hyn ar gael ar dudalen 'Dogfennau' ar wefan y prosiect). Gall y rhain gynnwys mesurau fel arwyddion clir, amseroedd danfon wedi’u rheoli, briffiadau i yrwyr, a rheoli traffig ar y safle er mwyn sicrhau symudiadau diogel wrth y gyffordd.
Bydd y trefniadau manwl terfynol yn cael eu datblygu gan y contractwr penodedig ac yn cael eu cytuno gyda’r awdurdod priffyrdd lleol drwy gymeradwyo’r Cosntruction Traffic Management Plan. Mae hyn yn sicrhau bod unrhyw risgiau wrth y gyffordd yn cael eu rheoli’n briodol a bod traffig adeiladu’n gweithredu’n ddiogel ac yn gyfrifol. - Pa mor hir fydd hi'n ei gymryd i osod y cebl rhwng White House Farm a Middle Hill Farm?
Bydd y prosiect yn cynnwys gosod cebl ar hyd Moorland Road, darn byr o Targate Road, ac ar hyd darn o Pembroke Road.
Mae’n debygol iawn y bydd gosod y cebl yn cael ei wneud mewn adrannau. Mae profiad o brosiectau eraill yn awgrymu y gallai fod yn bosibl gosod darn o gebl o tua 50–100m y dydd. Felly, gellir amcangyfrif y bydd gosod y cebl ar hyd Moorland Road a Targate Road yn cymryd tua 10–20 diwrnod, ac y bydd gosod y cebl ar hyd Pembroke Road yn cymryd tua 7–15 diwrnod. - Os bydd traffig adeiladu'r prosiect yn difrodi Moorland Road, a fydd y ffordd yn cael ei trwsio?
Bydd arolwg cyflwr yn cael ei gwblhau cyn i’r gwaith ddechrau ac yn cael ei gytuno gyda’r awdurdod priffyrdd lleol. Os fydd unrhyw ddifrod yn digwydd yn ystod y cyfnod adeiladu, bydd rhaid ailsefydlu y ffordd i foddhad yr awdurdod priffyrdd lleol, gyda’r holl gostau’n cael eu talu gan y contractwr. - A fyddwch chi'n talu am arolygon strwythurol ar gyfer eiddo gerllaw'r ffyrdd mynediad rhag ofn y bydd y traffig adeiladu yn achosi difrod i'r sylfeini?
Rydym yn deall y gallai trigolion fod yn bryderus ynghylch dirgryniadau posibl o ganlyniad draffig adeiladu, yn enwedig gan ystyried hanes gweithgarwch mwyngloddio’r ardal. Mae lefel y dirgryniadau a achosir gan gerbydau ar ffyrdd cyhoeddus yn isel iawn, ac nid yw o fath nac o raddfa y byddai’n debygol o achosi difrod strwythurol i adeiladau, hyd yn oed lle gall gwaith mwyngloddio hen fodoli.
Am y rheswm hwn, nid oes angen fel arfer gynnal arolygon strwythurol o dai cyfagos ar gyfer datblygiadau o’r math hwn. Fodd bynnag, bydd y Construction Traffic Management Plan yn cynnwys mesurau i leihau aflonyddwch i drigolion. - Sut fyddwch chi'n sicrhau nad yw cyfleustodau tanddaearol yn cael eu heffeithio gan symudiadau cerbydau nwyddau trwm?
Mae ffyrdd cyhoeddus yn cael eu hadeiladu i lletya cerbydau trwm yn ddiogel, ac mae'r cyfleustodau sydd wedi'u claddu oddi tanynt - fel prif bibellau dŵr a nwy - wedi'u cynllunio a'u gosod i wrthsefyll y llwythi traffig arferol hynny. Am y rheswm hwnnw, ni ddisgwylir i draffig adeiladu sy'n defnyddio ffyrdd presennol cyflwyno unrhyw risg ychwanegol i seilwaith tanddaearol.
Lle mae gwaith yn digwydd ar dir preifat, bydd cofnodion cyfleustodau yn cael eu gwirio ymlaen llaw ac, os oes angen, bydd mesurau amddiffynnol yn cael eu cytuno gyda'r darparwyr gwasanaeth perthnasol i sicrhau bod unrhyw seilwaith wedi'i gladdu yn cael ei ddiogelu. - A yw’r cyfleustodau wedi’u hystyried yn y dyluniad?
Ydy. Fel rhan o gynllunio’r prosiect, mae cyfleustodau presennol fel dŵr, nwy, trydan a chyfathrebu ar hyd y ffordd wedi’u hadolygu. Bydd gweithgareddau adeiladu’n cael eu cynllunio er mwyn osgoi unrhyw risg i’r gwasanaethau hyn. Mae ffyrdd cyhoeddus wedi’u dylunio i lletya cerbydau trwm yn ddiogel, ac mae’r cyfleustodau oddi tanynt wedi’u gosod i wrthsefyll llwythi traffig arferol. Ar gyfer gwaith ar dir preifat, bydd gwiriadau ychwanegol a mesurau diogelu yn cael eu ymgymeryd yn ôl yr angen. - A ellid bod wedi trefnu mynediad drwy'r fferm solar bresennol i'r gogledd-orllewin o White House Farm i leihau traffig ychwanegol ar Moorland Road?
Nid yw’r opsiwn o gael mynediad i White House Farm drwy’r fferm solar bresennol i’r gogledd-orllewin o White House Farm wedi cael ei ddilyn. Mae’r tir rhwng y ddau safle wedi’i wahanu gan lystyfiant trwchus a choetir, sy’n darparu cynefin gwerthfawr a sgrinio naturiol. Byddai creu trac mynediad newydd drwy’r ardal hon yn gofyn am glirio sylweddol, a byddai’n debygol o achosi tarfu ecolegol y gellid ei osgoi.
Rydym yn cydnabod bod traffig ar Moorland Road yn bryder allweddol i drigolion. Mae’r llwybr mynediad arfaethedig yn parhau i gael ei asesu drwy astudiaethau trafnidiaeth manwl, a fydd yn ystyried diogelwch, gwelededd, a rheolaeth ymarferol traffig adeiladu. Bydd adborth gan y gymuned leol yn helpu i lunio’r cynlluniau hyn cyn iddynt gael eu cwblhau. - Ble alla i fynd i ymweld â safle storio batris presennol?
Mae cronfa ddata cynllunio egni adnewyddadwy llywodraeth y Deyrnas Unedig yn cynnwys data sy’n dangos statws prosiectau egni adnewyddadwy a storio batris yn y Deyrnas Unedig. Caiff ei diweddaru bob chwarter, ac mae’n caniatáu i brosiectau ar wahanol gamau datblygu gael eu gweld ar fap - dolen yma: https://www.gov.uk/government/publications/renewable-energy-planning-database-monthly-extract. TGellir defnyddio hyn i ddarganfod prosiectau storio batris sy’n weithredol yn eich ardal.
Sylwer bod y dechnoleg y bwriedir ei defnyddio fel rhan o’r datblygiad arfaethedig yn debygol iawn o fod yn fwy diweddar na’r dechnoleg a ddefnyddir mewn datblygiadau storio batris presennol, ac felly efallai na fydd y datblygiadau presennol yn gwbl gynrychioliadol o’r hyn a gynigir.
